Trebeshina

Të enjten në mbrëmje, ora 21.00, Fatos Nano, një ndër personazhet më të rëndësishëm të 20 viteve të fundit, rrëfen në “Opinion”, jetën dhe karrierën e tij. Në intervistën e parë të këtij lloji, Nano ju përgjigjet në dy seri, shumë pikëpyetjeve dhe mistereve të këtyre 20 viteve:
Cila ishte fëmijëria e tij?
“Unë e kalova fëmijërinë dhe rininë në shtëpinë e sekuestruar nga pushteti i pasluftës të një tregtari këpucësh, për arsye se nuk kishte paguar tatimin e jashtëzakonshëm të luftës, nga Dibra”
Përse studioi për ekonomi?
“Jo, s’kam kërkuar Ekonomikun. Kërkova inxhinieri të rrymave të dobëta, elektronikën e kohës, kërkova shkenca politike”
Takimin e parë me Ramiz Alinë:
“Në momentet e para që i them tim eti që nesër më duhet të takoj Ramiz Alinë, ishte fundi i vitit 1989. Më thotë, ki kujdes djalë, sepse siç të kam thënë, nuk e lexon dot drejtpërdrejt…është skile.”
Gjykimi për drejtuesin komunistë të kohës:
“Në këtë kohë, Ramiz Alia kishte shanset që t’i merrte vendimet më parë se sa të tjerët. Nuk i mori. Nuk ishte strateg, historia nuk e bëri lider, as komunist dhe ishte hezitant i dyzuar dhe i shmangej vendimeve strategjike.”
Marrëdhëniet e prishura me Gjermani:
“Ishte që, merrni një vendim politik për të vendosur marrëdhëniet me Brukselin, ne do t’ju marrim për dore dhe do t’ju tregojmë se në cilën zyrë duhet të trokisni.”
Fillimin e pluralizmit dhe përse nuk hyri në PD: “Pse, sepse unë kam qenë në themelimin e PD-së me studentët e mi. Se nuk mund të mos e jetoja këtë ngjarje unikale në historinë e vendit.”
Ardhjen në krye të qeverisë në 25 shkurt 1991:
“Kur unë mora dosjen e kryeministrit në dorëzim, pashë që rezervat valutore të shtetit ishin vetëm 8 milionë dollarë.”
Refuzimin për t’u bërë Kryetar i Ps dhe më pas pranimin: “Në Kongresin e Partisë zgjedhjet dhe propozimet për kryetar do të bëheshin pasdite. Në momentin që dola, më përcjell mamaja në korridor me lot në sy më thotë, bir në duart e kujt do të na lësh.”
Të enjten në mbëmje, ora 21.00, Fatos Nano, një prej personazheve më të rëndësishme të Shqipërisë së 20 viteve të fundit, në pjesën e parë të rrëfimit të jetës së tij.